ရင်တွင်းဆန္ဒ.........( မလေးရှားမှ ဖြစ်ရပ်မှန် - ၂)

ကြည့်နေရုံ သက်သက်ပါပဲ
ကန္တာရ လမ်းမှာ
ဖြတ်သန်းနေ ရတဲ့ ပန်းကလေးတွေ
တစ်ပွင့်ပြီးတစ်ပွင့် နွမ်းကြွေနေလေရဲ့.........။

ပိုက်က ယုန်ကို တိုးခဲ့တာလား
ယုန်က ပိုက်ကို တိုးခဲ့တာလား
ဘာပဲဖြစ်ဖြစ်
ပကာသန စက်ကွင်းမှာ
ယုန်ဖြူမလေးတွေကတော့ သက်ဆင်းနေတုန်း............။

ငါတို့ နေတဲ့တောက
မုဆိုးပေါတယ် သူငယ်ချင်း
"အသားစား" တဲ့ ကျားနဲ့
"ဝတ်ရည်ခူး"မယ့် ပျားတွေ
ခြေချင်းလိမ်နေတဲ့ ဒေသ
မြှားနတ်မောင်လည်း မျက်ရည်ကျတယ်............။

ကောင်းကင်ပေါ်မှာ "နေ"နဲ့"လ"
ကြည့်နေရတာ ပနာရ သတဲ့
ငါတို့တောမှာ "ရွှေ "နဲ့ "မ"
ကြည့်နေရတာ သဘာဝလိုလို
ဝင်ရှင်းပြမှ "မနာလို" လို့ ဆိုသူဆိုရဲ့................။

တောင်ပေါ်မှာ ကြာတွေ ပွင့်နေသလို
သမင်ငယ်တွေကရော အသားစားနေကြ ပြီလား
ဖောက်ပြန်နေတဲ့ သဘောတရားမှာ
သြရသ ရဲ့ "အိမ်ကွင်းအဝေးကွင်း" တေးစာသားက
ငါတို့တောမှာတော့ ခေတ်စားနေလေရဲ့...........။

မြှားနတ်မောင် အပစ်မှားလို့
လူမျိုးခြားရဲ့ ရင်ခွင်ကြားမှာ
အတိတ်မေ့ နေတုန်းပဲလား သူငယ်ချင်း
အသိစိတ်နဲ့ နိုးထလိုက်ပါ
နင့်အတွက် "မနက်ဖြန်များစွာ" ရှိနေပါသေးတယ်.............။

ညီညီ(မြန်အောင်)

(မည်သူတစ်ဦး တစ်ယောက်လိုမှ အရှက်ခွဲထိခိုက်နစ်နာစေလိုသော ဆန္ဒမရှိပါ)